Os clubes de lectura botan a andar.

 CLUBES DE LECTURA 2025

Durante este primeiro trimestre puxemos en marcha os nosos clubes de lectura, unha das actividades centrais da biblioteca escolar.

Na nosa biblioteca cremos que ler é moito máis ca pasar páxinas: é pensar, emocionarse, preguntar, debater… e, sobre todo, compartir. Por iso, este curso seguimos apostando polos clubes de lectura como espazos abertos a todo o alumnado con ganas de descubrir libros e comentalos en boa compañía.

Contamos con varios clubes, entre eles o club de filosofía, o club de latín, o club de misterio, entre outros, nos que a lectura se converte nun punto de encontro e diálogo.

Ao longo deste trimestre estivemos a ler títulos como Asasinato na casa rosa, Cartas de amor, Circe ou o pracer do azul, Meigas ou La sombra del viento.

Seguiremos lendo e descubrindo novas historias e aventuras a través dos libros ao longo do curso. Aquí vos deixamos algunhas fotiños dos nosos clubes de lectura, que reflicten moi ben o ambiente de participación e interese que se crea arredor dos libros.