O IES de Becerreá celebra o Día das Bibliotecas Escolares cun vídeo conmemorativo
Con motivo do Día das
Bibliotecas Escolares, o Equipo de Dinamización da Lingua Galega (EDL) e o Equipo
da Biblioteca do IES de Becerreá elaboraron un vídeo conmemorativo no que o
alumnado do centro é o verdadeiro protagonista.
Neste traballo
audiovisual, as mozas e os mozos do instituto comparten, con palabras propias, o
que significa para eles a biblioteca escolar, o que é hoxe en día e o que lles
gustaría que fose no futuro. As súas reflexións e ilusións deixan ver unha
visión viva, aberta e participativa da biblioteca como un espazo de encontro,
aprendizaxe, imaxinación e convivencia.
Con esta iniciativa, o
centro quere poñer en valor o papel fundamental das bibliotecas escolares como
corazón cultural e educativo dos institutos, así como agradecer a implicación
de toda a comunidade educativa —profesorado, alumnado e persoal colaborador—
neste proxecto común.
Comentarios
Publicar un comentario