Semana da prensa

Semana da prensa na biblioteca 📰

Entre o 9 e o 13 de marzo celebramos na biblioteca a Semana da Prensa, uns días nos que nos achegamos á actualidade a través dos xornais.

Durante esa semana contamos con unha pequena mostra de periódicos para todos os gustos: tivemos prensa nacional, local e tamén publicacións de temática económica, que espertaron a curiosidade de moitos lectores e lectoras. Foi unha oportunidade estupenda para coñecer diferentes puntos de vista, descubrir novas seccións e achegarse ao mundo da información dun xeito máis directo.

A biblioteca converteuse así nun espazo para ler, comentar e reflexionar sobre o que acontece ao noso arredor, algo máis importante ca nunca.

Queremos agradecer a participación de todo  profesorado que se achegou estes días, así como a colaboración dos diferentes departamentos, que axudaron a facer posible esta actividade.

Grazas por seguir facendo da biblioteca un lugar vivo e cheo de interese! 😊