Samaín 2025-Detectives literarios

 SAMAÍN-2025

 

Este Samaín, a nosa biblioteca transformouse nun escenario cheo de misterio, intriga… e moitos libros! Co obxectivo de celebrar estas datas dunha maneira lúdica e animar ao noso alumnado a explorar os fondos da biblioteca, organizamos un xogo especial: “Detectives literarios”.

 

 

Ao longo das estanterías agochamos pequenas pistas literarias, cada pista conducía a un novo libro, e así sucesivamente, ata completar un emocionante percorrido por toda a biblioteca.

 

 

 

Os equipos de alumnos e alumnas tiveron que poñer en práctica a súa capacidade de observación, dedución e coñecemento literario para resolver o misterio. Houbo momentos de moita diversión mentres ían seguindo o rastro oculto entre páxinas.

A actividade foi un éxito rotundo: a biblioteca encheuse de vida, curiosidade e entusiasmo, e moitos aproveitaron para descubrir libros que nunca antes se detiveran a mirar.

 Aquí deixamos ao primeiro grupo en conseguir chegar ao final. Noraboa para elas! 

 

 Grazas a todo o alumnado pola súa participación e espírito investigador.