O pasado 3 de outubro, no tempo de lecer, inauguramos oficialmente a nosa Biblioteca do IES para o curso 25-26, e fixémolo por todo o alto!
Houbo xogo de pistas, no que o alumnado
tiña que atopar un libro misterioso seguindo as indicacións dun papel
coa pista. Se conseguían atopalo… agasallo doce! (Iso si, houbo algún ou
algunha moi lambón/lambona que colleu máis dunha larpeirada).
Tamén
contamos con xogos de mesa para todos os gustos: xadrez, Tabú,
Scrabble... e moita diversión compartida. Acompañounos música de
ambiente, perfecta para relaxarse, conversar e disfrutar dun rato
diferente na compañía de compañeiros e profesorado.
Agradecer
o traballo e esforzo da coordinadora da biblioteca Pilar Iglesia,
xunto co resto do equipo da biblioteca: Abraham, Iria, Ana Campo, Chema
e Luz.
Grazas tamén ao
profesorado e ao alumnado pola súa participación activa neste acto tan
especial, que fixo da inauguración unha auténtica festa da lectura e da
convivencia.
Foi unha xornada
divertida, lúdica e participativa, coa presenza de moitos membros da
comunidade educativa do IES. Unha maneira perfecta de dar a benvida a
este novo espazo de lectura, encontro e aprendizaxe compartida.
Desde
aquí animamos a toda a comunidade educativa a visitar a biblioteca e a
participar nas múltiples actividades que se desenvolverán ao longo deste
curso. ¡Prometen ser tan interesantes e divertidas coma esta
inauguración!
Comentarios
Publicar un comentario